Pardeep Singh

ਇੱਕ ਪ੍ਰੀਤੀ ਭੋਜ ਵਿਚ ਸਾਰਿਆਂ ਦਾ ਧਿਆਨ ਕੇਂਦਰ ਬਣੀ ਇੱਕ ਸੁੰਦਰ ਇਸਤਰੀ ਨੇ ਸੋਹਣੇ ਮੋਤੀਆਂ ਦਾ ਹਾਰ ਪਾਇਆ ਹੋਇਆ ਸੀ |
ਸਾੜੇ-ਈਰਖਾ ਦਾ ਸ਼ਿਕਾਰ ਵਿਅਕਤੀ, ਸ਼ਾਂਤ ਨਹੀਂ ਰਹਿ ਸਕਦਾ |
ਇੱਕ ਹੋਰ ਆਪਣੇ ਖ਼ਾਨਦਾਨ ਦਾ ਮਾਣ ਕਰਨ ਵਾਲੀ , ਸਾੜੇ ਦਾ ਸ਼ਿਕਾਰ ਇਸਤਰੀ, ਆਪਣੇ ਸੀਟ ਤੋਂ ਉੱਠ ਕੇ , ਉਸ ਕੋਲ ਆਈ, ਅਤੇ ਸਾਰਿਆ ਨੂੰ ਸੁਣਾ ਕੇ ਕਿਹਾ : ਮੈਡਮ , ਮੋਤੀ ਬਹੁਤ ਸੋਹਣੇ ਹਨ , ਅਸਲੀ ਹਨ ਕਿ ਨਕਲੀ?
ਸੁੰਦਰ ਇਸਤਰੀ ਨੇ ਧੀਰਜ ਨਾਲ ਕਿਹਾ:ਤੁਸੀਂ ਇੰਨਾ ਨੂੰ , ਦੰਦਾਂ ਨਾਲ ਚਬਾ ਕੇ ਆਪ ਹੀ ਜਾਨ  ਲਵੋ ਕਿ ਅਸਲੀ ਹਨ ਕਿ ਨਕਲੀ, ਪਾਰ ਮੈਂ ਸੋਚਦੀ ਹਾਂ, ਕਿ ਤੁਸੀਂ ਆਪਣੇ ਨਕਲੀ ਦੰਦਾਂ ਨਾਲ ਇੰਨਾ ਨੂੰ ਚਬਾਓਗੇ ਕਿਵੇਂ?

ਨਰਿੰਦਰ ਸਿੰਘ ਕਪੂਰ
ਪੁਸਤਕ : ਖਿੜਕੀਆਂ

ਯੂਰਪ ਦੇ ਕਈ ਈਸਾਈ ਲੋਕ ਯਹੂਦੀਆਂ ਤੋਂ ਇਸ ਕਰਕੇ ਨਫਰਤ ਕਰਦੇ ਹਨ, ਕਿਉਂਕਿ ਇੱਕ ਯਹੂਦੀ ਬਾਦਸ਼ਾਹ ਨੇ ਈਸਾ ਨੂੰ ਸੁੱਲੀ ਤੇ ਟੰਗਿਆ ਸੀ| ਦੋ ਹਜਾਰ ਸਾਲ, ਸ਼ਰਨਾਰਥੀਆਂ ਵਾਂਗ ਭਟਕਣ ਉਪਰੰਤ ਯਹੂਦੀ ਹੁਣ ਇਜ਼ਰਾਈਲ ਵਿਚ ਵੱਸਣ ਦੇ ਯੋਗ ਹੋਏ ਹਨ| ਆਪਣੇ ਸ਼ਰਨਾਰਥੀ ਕਾਲ ਦੌਰਾਨ, ਯਹੂਦੀਆਂ ਨੇ ਸੰਜਮ, ਮਿਹਨਤ ਅਤੇ ਗਿਆਨ ਨਾਲ ਹਰ ਖੇਤਰ ਵਿਚ ਪ੍ਰਸਿੱਧੀ ਕਮਾਈ|

ਉਹ ਜਿਥੇ ਹੁੰਦੇ ਗਏ , ਉਥੇ ਉਥੇ ਉਨ੍ਹਾਂ ਦੇ ਸਰਮਾਏ ਨਾਲ ਖੁਸ਼ਹਾਲੀ ਆਈ| ਸੰਸਾਰ ਦੇ ਵੱਡੇ ਬੈਂਕਾਂ ਦੇ ਮਾਲਕ ਯਹੂਦੀ ਹਨ, ਸੰਸਾਰ ਦੇ ਵੱਡੇ ਵਿਗਿਆਨੀ ਯਹੂਦੀ ਹਨ| ਇੰਨਾ ਗੱਲਾਂ ਦੇ ਬਾਵਜੂਦ ਅੱਜ ਵੀ ਯਹੂਦੀ, ਈਸਾਈਆਂ ਦੀ ਨਫਰਤ ਦਾ ਸ਼ਿਕਾਰ ਹੁੰਦੇ ਹਨ|

ਯੂਰਪ ਵਿਚ ਇੱਕ ਵਾਰ, ਇੱਕ ਗੱਡੀ ਵਿਚ ਇੱਕ ਸਵਾਰੀ ਨੇ, ਨਾਲ ਦੀ ਸਵਾਰੀ ਨੂੰ ਪੁੱਛਿਆ: ਤੁਸੀਂ ਯਹੂਦੀ ਹੋ? ਸੁਣਨ ਵਾਲੇ ਨੇ ਉੱਤਰ ਦਿੱਤਾ:ਹਾਂ ਮੈਂ ਯਹੂਦੀ ਹਾਂ |
ਪੁੱਛਣ ਵਾਲੇ ਨੇ ਮਾਨ ਨਾਲ ਦੱਸਿਆ: ਮੈਂ ਜਿਸ ਪਿੰਡ ਵਿਚ ਰਹਿੰਦਾ ਹਾਂ, ਉਥੇ ਇੱਕ ਵੀ ਯਹੂਦੀ ਨਹੀਂ ਹੈ | ਅਸੀਂ ਸਾਰੇ ਯਹੂਦੀ ਕੱਢ ਦਿੱਤੇ ਹਨ|
ਯਹੂਦੀ ਸਵਾਰੀ ਨੇ ਸੁਣ ਕੇ ਕਿਹਾ: ਇਸੇ ਕਰਕੇ ਤੁਹਾਡਾ ਪਿੰਡ, ਅਜੇ ਵੀ ਪਿੰਡ ਹੀ ਹੈ |

ਨਰਿੰਦਰ ਸਿੰਘ ਕਪੂਰ
ਪੁਸਤਕ : ਖਿੜਕੀਆਂ

ਐਡਮੰਡ ਹਿਲੇਰੀ, ਮਾਉੰਟ ਐਵਰੈਸਟ ‘ਤੇ ਪਹੁੰਚਣ ਵਾਲਾ ਪਹਿਲਾ ਮਨੁੱਖ ਸੀ। ਇਸ ਯਤਨ ਵਿਚ ਉਸਦੇ ਸਰੀਰ , ਮਨ , ਬੁੱਧੀ ਅਤੇ ਆਤਮਾ ਸਭਨਾ ਨੇ ਜਦੋਜਹਿਦ ਕੀਤੀ ਸੀ।ਮਨ , ਬੁੱਧੀ ਅਤੇ ਆਤਮਾ ਪਹਿਲਾ ਹੀ ਉਥੇ ਪਹੁੰਚੀਆਂ ਹੋਈਆਂ ਸਨ,ਹਰ ਵੇਲੇ ਉਹ ਸਿਖਰ ਵੱਲ ਵਧ ਰਿਹਾ ਹੁੰਦਾ ਸੀ।
ਨਾ ਰਸਤੇ ਦਾ ਪਤਾ ਸੀ, ਨਾ ਮੁਸ਼ਕਲਾਂ ਦਾ ਪਰ ਉਦੇਸ਼ ਦਾ ਸੋਝੀ ਸੀ।
ਹਿਲੇਰੀ ਦਾ ਸਿਖਰ ‘ਤੇ ਪਹੁੰਚਣਾ ਮਨੁੱਖੀ ਨਸਲ ਲਈ ਬੜੀ ਵੱਡੀ ਪੁਲਾਂਘ ਸੀ।
ਹੁਣ ਹਰ ਸਾਲ ਲਗਭਗ ਪੰਜ ਸੌ ਵਿਅਕਤੀ ਸਿਖਰ ‘ਤੇ ਅੱਪੜ ਜਾਂਦੇ ਹਨ ਪਰ ਪ੍ਰਸਿੱਧ ਪਹਿਲ ਕਰਨ ਵਾਲੇ ਹੀ ਹੁੰਦੇ ਹਨ। ਉਸਨੇ ਮਾਉੰਟ ਐਵਰੈਸਟ ‘ਤੇ ਪਹੁੰਚ ਕੇ , ਨੀਲ ਆਰਮਸਟਰਾਂਗ ਨੂੰ ਜਗਾ ਦਿੱਤਾ ਸੀ।

ਖਿੜਕੀਆਂ

ਨਰਿੰਦਰ ਸਿੰਘ ਕਪੂਰ