Maa Dhee

ਮਾਏ ਨੀ ਮੈਨੂੰ ਜੁੱਤੀ ਸਵਾਂ ਦੇ
ਹੇਠ ਲਵਾ ਦੇ ਖੁਰੀਆਂ
ਆਹ ਦਿਨ ਖੇਡਣ ਦੇ
ਸੱਸਾਂ ਨਨਾਣਾਂ ਬੁਰੀਆਂ…..

ਮਾਂ ਮੇਰੀ ਨੇ ਕੁੜਤੀ ਸਵਾਈ
ਓਵੀ ਨਵੇ ਨਮੂਨੇ ਦੀ
ਰੋਟੀ ਖਾਲਾ ਜਾਲਮਾ
ਚਟਨੀ ਹਰੇ ਪਦੀਨੇ

ਮਾਵਾਂ ਧੀਆਂ ਕੱਤਣ ਲੱਗੀਆਂ
ਗੁੱਡੀ ਨਾਲ ਗੁਡੀ ਜੋੜ ਕੇ
ਹੁਣਾ ਕਿਉਂ ਮਾਏ ਰੋਨੀ ਐਂ
ਧੀਆਂ ਨੂੰ ਸਹੁਰੇ ਤੋਰ ਕੇ..

ਘੋੜਾ ਆਰ ਨੀ ਧੀਏ,
ਘੋੜਾ ਪਰ ਨੀ ਧੀਏ,
ਮੱਥੇ ਮਾਰ ਮਸਰਾਂ ਦੀ ਦੁਲ ਨੀ ਧੀਏ,
ਮੱਥੇ …….

ਘੋੜਾ ਆਰ ਨੀ ਮਾਏ, ਘੋੜਾ ਪਰ ਨੀ ਮਾਏ,
ਰਾਝਾਂ ਮੰਗੇ ਮਸਰਾਂ ਦੀ ਦਾਲ ਨੀ ਮਾਏ,
ਰਾਝਾਂ ਮੰਗੇ …….,

ਘਰ ਨਾ ਬੇਹਦੀਆਂ,ਬਰ ਨਾ ਬੇਹਦੀਆਂ,
ਬਦਲੇ ਖੋਰੀਆਂ ਮਾਵਾਂ, ਨੀ ਨਿੱਕੇ ਜਿਹੇ ਮੁੰਡੇ ਨਾਲ,
ਵਿਆਹ ਕਰ ਦਿੰਦੀਆਂ, ਦੇ ਕੇ ਚਾਰ ਕੁ ਲਾਵਾਂ,
ਏਸ ਜਵਾਨੀ ਨੂੰ, ਕਿਹੜੇ ਮੂੰਹ ਵਿੱਚ ਪਾਵਾਂ,
ਏਸ ਜਵਾਨੀ ……

ਮੇਰੇ ਤੇ ਮੇਰੇ ਮਾਹੀ ਦੀਆਂ ਗੱਲਾਂ
ਮਾਏ ਘਰ ਘਰ ਹੋਣਗੀਆਂ
ਮੇਰੇ ਤੇ ਮੇਰੇ ਮਾਹੀ ਦੀਆਂ ਗੱਲਾਂ
ਮਾਏ ਘਰ ਘਰ ਹੋਣਗੀਆਂ
ਜਦ ਮੈ ਤੁਰ ਗਈ ਸਹੁਰੇ ਮੇਰੇ
ਹਾਣ ਦੀਆਂ ਸਭ ਰੋਣਗੀਆਂ
ਤੇਰਾ ਵੀ ਦਿਲ ਧੜਕੂ ਨੀ ਮਾਏ
ਤੇਰਾ ਵੀ ਦਿਲ ਧੜਕੂ ਨੀ ਮਾਏ
ਜਦ ਘੁੰਡ ਚੋਕ ਕੇ ਮੈਂ ਰੋਈ
ਨੀ ਵਿਆਹ ਦੇ ਅੰਮੀਏ
ਮੈ ਕੋਠੇ ਜਿਡੀ ਹੋਈ
ਨੀ ਵਿਆਹ ਦੇ ਅੰਮੀਏ
ਮੈ ਕੋਠੇ ਜਿਡੀ ਹੋਈ

ਵੱਟ ਵੱਟ ਲੱਡੂ -2
ਅਸੀਂ ਮੰਜੇ ਉੱਤੇ ਰੱਖੇ ਸੀ
ਆਏ ਜਾਂਝੀ ਖਾਗੇ ਨੀ -2
ਮਾਵਾਂ ਧੀਆਂ ਦਾ ਵਿਛੋੜਾ ਪਾਗੇ ਨੀ

ਰੋਟੀ ਮਾਂ ਨੇ ਬਣਾਈ ਨਾਲ
ਛੰਨਾ ਭਰ ਤਾ ਸਾਗ ਦਾ
ਕਿਸੇ ਨੂੰ ਕਿ ਪਤਾ ਮਾਵਾਂ
ਧਿਆਂ ਦੇ ਵਰਾਗ ਦਾ

ਮਾਏ ਵਾਰ ਕੰਗਨਾ ਦੀ ਜੋੜੀ ,
ਧੀਆਂ ਪ੍ਰਦੇਸ ਚੱਲੀਆਂ ,
ਮਾਏ ਵਾਰ ਕੰਗਨਾ ਦੀ ਜੋੜੀ ,
ਧੀਆਂ ਪ੍ਰਦੇਸ ਚੱਲੀਆਂ ,