punjabi Giddha

ਮਾਲਵੇ ਦੀ ਮੈਂ ਜੱਟੀ ਕੁੜੀਓ, ਮਾਝੇ ਵਿਚ ਵਿਆਹਤੀ …
ਨੀ ਨਿੱਤ ਮੇਰੇ ਵਿਚ ਕੱਢੇ ਨਾਗੋਚਾਂ, ਮੈਂ ਜੀਹਦੇ ਲੜ ਲਾਤੀ ……
ਨੀ ਮੈਨੂੰ ਕਹਿੰਦਾ ਮੱਧਰੀ ਲੱਗਦੀ, ਪੰਜਾਬੀ ਜੁੱਤੀ ਲਾਹਾਤੀ ……
ਨੀ ਹੀਲ ਸਲੀਪਰ ਨੇ, ਗਿੱਟੇ ਮੋਚ ਪਵਾਤੀ………..
ਨੀ ਹੀਲ ਸਲੀਪਰ ਨੇ, ਗਿੱਟੇ ਮੋਚ ਪਵਾਤੀ ………..

ਜੇ ਮਾਮੀ ਤੂੰ ਨੱਚਣ ਜਾਣਦੀ, ਦੇ ਦੇ ਗਿੱਧੇ ਵਿੱਚ ਗੇੜਾ ….
ਰੂਪ ਤੇਰੇ ਦੀ ਗਿੱਠ ਗਿੱਠ ਲਾਲੀ, ਤੈਥੋਂ ਸੋਹਣਾ ਕੇਹੜਾ …
ਨੀ ਦੀਵਾ ਕੀ ਕਰਨਾ, ਚਾਨਣ ਹੋ ਜਾਉ ਤੇਰਾ …….
ਨੀ ਦੀਵਾ ਕੀ ਕਰਨਾ, ਚਾਨਣ ਹੋ ਜਾਉ ਤੇਰਾ …..

ਉਰਲੇ ਖੂਹ ਤੇ ਮੋਠ ਬਾਜਰਾ ਪਰਲੇ ਖੂਹ ਤੇ ਗੰਨੇ,
ਵੇ ਮੈਂ ਨੱਚਾਂ ਹਾਣੀਆਂ ਖੇਤਾਂ ਦੇ ਬੰਨੇ ਬੰਨੇ

ਰੰਗ ਸੱਪਾਂ ਦੇ ਵੀ ਕਾਲੇ
ਰੰਗ ਸਾਧਾਂ ਦੇ ਵੀ ਕਾਲੇ ‘
ਸੱਪ ਕੀਲ ਕੇ ਪਟਾਰੀ
ਵਿੱਚ ਬੰਦ ਹੋ ਗਿਆ,
ਮੁੰਡਾ ਨੱਚਦੀ ਨੂੰ ਵੇਖ
ਕੇ ਮਲੰਗ ਹੋ ਗਿਆ

ਨੀ ਸੁੱਥਣ ਵਾਲੀਏ
ਨੀ ਸਲਵਾਰ ਵਾਲੀਏ ‘
ਮੁੰਡੇ ਤੇਰੇ ਵੱਲ ਵੇਂਹਦੇ
ਸੋਹਣੀ ਚਾਲ ਵਾਲੀਏ

“ਬੱਲੇ ਬੱਲੇ ਬਈ ਤੋਰ ਪੰਜਾਬਨ ਦੀ ,
ਸ਼ਾਵਾ ਸ਼ਾਵਾ ਬਈ ਤੌਰ ਪੰਜਾਬਨ ਦੀ ,
ਜੁੱਤੀ ਖੱਲ ਦੀ ਮਰੋੜਾ ਨਹੀਉ ਝੱਲਦੀ ,
ਬਈ ਤੋਰ ਪੰਜਾਬਨ ਦੀ ………..”

ਗਿੱਧਾ ਗਿੱਧਾ ਕਰੇ ਮੇਲਣੇ, ਗਿੱਧਾ ਪਊ ਬਥੇਰਾ,
ਨਜ਼ਰ ਮਾਰ ਕੇ ਵੇਖ ਮੇਲਣੇ ਭਰਿਆ ਪਿਆ ਬਨੇਰਾ…
ਸਾਰੇ ਪਿੰਡ ਦੇ ਲੋਕੀਂ ਆ ਗਏ, ਕੀ ਬੁੱਢਾ ਕੀ ਠੇਰਾ..
ਮੇਲਣੇ ਨੱਚ ਲੈ ਨੀ, ਦੇ ਲੈ ਸ਼ੌਕ ਦਾ ਗੇੜਾ

ਗਿੱਧਾ ਗਿੱਧਾ ਕਰੇਂ ਮੇਲਣੇ, ਗਿੱਧਾ ਪਊ ਬਥੇਰਾ।
ਨਜ਼ਰ ਮਾਰ ਕੇ ਵੇਖ ਮੇਲਣੇ, ਭਰਿਆ ਪਿਆ ਬਨੇਰਾ।
ਸਾਰੇ ਪਿੰਡ ਦੇ ਲੋਕੀ ਆ ਗਏ, ਕੀ ਬੁਢੜਾ ਕੀ ਠੇਰਾ,
ਮੇਲਣੇ ਨੱਚਲੇ ਨੀ, ਦੇ ਲੈ ਸ਼ੋਂਕ ਦਾ ਗੇੜਾ
ਮੇਲਣੇ ਨੱਚਲੇ ਨੀ…।

ਜੇ ਮੁੰਡੀਓ ਤੁਹਾਨੂੰ ਨੱਚਣਾ ਨੀ ਆਉਂਦਾ
ਜੇ ਮੁੰਡੀਓ ਤੁਹਾਨੂੰ ਨੱਚਣਾ ਨੀ ਆਉਂਦਾ
ਤੜਕੇ ਉਠਕੇ ਨਹਾਇਆ ਕਰੋ
ਸਾਡੇ ਕੁੜੀਆਂ ਦੇ ਪੈਰੀਂ ਹੱਥ ਲਾਇਆ ਕਰੋ
ਸਾਡੇ ਕੁੜੀਆਂ ਦੇ ਪੈਰੀਂ ਹੱਥ ਲਾਇਆ ਕਰੋ

ਵੇਖ ਮੇਰਾ ਗਿੱਧਾ ਲੋਕੀ ਹੋਏ ਮਗਰੂਰ ਵੇ,
ਜਟਾਂ ਦੀਆਂ ਢਾਣੀਆਂ ਨੂੰ ਆ ਗਿਆ ਸਰੂਰ ਵੇ,
ਜਦੋਂ ਨੈਣਾਂ ਵਿੱਚੋਂ ਥੋੜੀ ਜੀ ਪਿਲਾਈ ਰਾਤ ਨੂੰ,
ਵੇ ਅੱਗ ਪਾਣੀਆਂ ਚ ਹਾਣੀਆਂ ਮੈਂ ਲਾਈ ਰਾਤ ਨੂੰ

ਨੱਚਾਂ ਨੱਚਾਂ ਨੱਚਾਂ…
ਨਿ ਮੈਂ ਅੱਗ ਵਾਂਗੂੰ ਮੱਚਾ
ਨੱਚਾਂ ਨੱਚਾਂ ਨੱਚਾਂ…
ਨਿ ਮੈਂ ਅੱਗ ਵਾਂਗੂੰ ਮੱਚਾ
ਮੇਰੀ ਨੱਚਦੀ ਦੀ ਝਾਂਜਰ ਛਣਕੇ ਨੀ
ਨਿ ਮੈਂ ਨੱਚਣਾ ਪਟੋਲਾ ਬਣਕੇ ਨੀ
ਨਿ ਮੈਂ ਨੱਚਣਾ ਪਟੋਲਾ ਬਣਕੇ ਨੀ।

ਬਣ ਕੇ ਪੋਟਲਾ ਮੇਲਣਾ
ਆਈ ਘੱਗਰਾ ਸੂਫ਼ ਦਾ
ਪਾਈਆਂ ਨੀ ਤੂੰ ਨੱਚ ਲੈ
ਮਜਾਨੇ ਪਿੰਡ ਦੇਖਣ ਨੂੰ
ਆਈਆਂ ਗਿੱਧਾ ਚੱਕ ਲੈ
ਮਜਾਜਨੇ ਪਿੰਡ ਦੇਖਣ …